John Galliano

Նա մեր ժամանակների ամենաազդեցիկ մոդելավորողներից մեկն է: Ծնվել է Ջիբրալթարում 1960 թ.-ին, հայրը Ջիբրալթարից է, մայրը Իսպանիայից: 6 տարեկանում նա տեղափոխվում է Streatham` հարավարևմտյան Լոնդոն, իսկ ավելի ուշ` Brockley:
1987, 1994 և 1997 թվականներին  արժանանում է Տարվա Լավագույն Բրիտանացի Մոդելավորող կոչմանը: Նրա առաջին ցուցադրությունը 1989 թվականին էր` Փարիզյան նորաձևության շաբաթվա ժամանակ:


1995 թվականի հուլիսին նա նշանակվում է որպես Givenchy նորաձևության տան մոդելավորող` այդպիսով դառնալով Ֆրանսիական նորաձևության տան ղեկավար առաջին բրիտանացի մոդելավորողը: 1996 թ.-ի հունվարի 21-ին Գալիանոն ներկայացնում է իր առաջին նորաձևության ցուցադրումը Givenchy նորաձևության տան համար: Հավաքածուն բարձր գնահատանքի է արժանանում նորաձևության քննադատների կողմից:

1996թ.-ի հոկտեմբերի 14-ին Գալիանոն տեղափոխվում է Christian Dior նորաձևության տուն` փոխարինելով իտալացի մոդելավորող Gianfranco Gianfranco Ferre-ին: Նրա առաջին ցուցադրությունը համընկավ Dior-ի 50-րդ տարելիցի հետ ` 1997թ.-ի հունվարի 20-ին:


Գալիանոն իր ստեղծագործություններում իր սերն է արտահայտում թատրոնի և կանացիության նկատմամբ: 


Նա Շառլիզ Թերոնին համարում է իր մուսան` ստեղծելով զգեստներ այնպիսի իրադարձությունների համար, ինչպիսիք են Ակադեմիական մրցանակաբաշխությունը, Ոսկե Գլոբուս մրցանակաբաշխությունը: Շառլիզ Թերոնը նաև Dior-ի «J'Adore» օծանելիքի գովազդային արշավի մասն է, մինչ Riley Keough-ը` Էլվիս Փրեսլիի թոռնուհին, գլխավորում է Գալիանոյի «Miss Dior Cherie» օծանելիքի գովազդային արշավը: 


Նորաձևության ցուցադրություններին նրա հավաքածուն ցուցադրել են վերջին 2 տասնամյակների այնպիսի էլիտար մոդելներ, ինչպիսիք են Erin O'Connor-ը, Alek Wek-ը, Linda Evangelista-ն և Karen Mulder-ը: Հոլիվուդյան կինոաստղեր Քեյթ Բլանշետն ու Նիկոլ Քիդմանը նրա զգեստները հաճախակի կրել են Ակադեմիական մրցանակաբաշխության ժամանակ:

Drew Barrymore

Cameron Diaz