Վհուկ Ջենիս Դիքինսոն

Էքսցենտրիկ պահվածքով հայտնի ամենաառաջին թոփ-մոդելներից մեկը` 55-ամյա Ջենիս Դիքինսոնը հեռուստադիտողին ծանոթ է այնպիսի իրական շոուներից, ինչպիսիք են “Վհուկ Ջենիսի նորաձևության դպրոց” և “Թոփ-մոդել ամերիկյան ձևով”  շոուները:

Janice Dickinson

“Զբաղվում եմ մեդիտացիայով և յոգայով յուրաքանչյուր օր 80 րոպե, շատ եմ քայլում ոտքով և ուտում եմ միայն օրգանական սննդամթերք` ձուկ, հավ կամ հնդկահավ աղցաններով, գազարի հյութով”,- պատմում է Ջենիսը: 

Նորաձևության վետերան Ջենիսը չի թաքցնում իր սերը պլաստիկ վիրաբուժության հանդեպ: Առաջին վիրաբուժությունը նա արել է 32 տարեկան հասակում, իսկ 40 տարեկանից իր իսկ հայտարարությամբ “գրանցվել է” բոտոքսում, այդ ժամանակից ի վեր աստղը ներարկումներ է անում կես տարին մեկ:

Ջենիսը երիտասարդ տարիքում

“Ես կլինեմ երկրագնդի ամենաշքեղ դիակը”,-կատակում է “վհուկ” Ջենիսը: “Եթե ինչ-որ բան ինձ գեղեցիկ  կդարձնի, ես միշտ կողմ եմ”,- ասում է Դիկինսոնը “պլաստիկայի” վերաբերյալ: 

Ջենիսը և Թայրա Բենքսը